మెగా ఇంట సంబురాలు షురూ అయ్యాయి. మెగాపవర్ స్టార్ రామ్ చరణ్ ఉపాసన దంపతులు పండంటి ఆడపిల్లకు జన్మనిచ్చారు. ఈ తెల్లవారుజామున 4 గంటలకు ఆడపిల్ల పుట్టినట్లు అపోలో ఆస్పత్రి వైద్యులు అధికారికంగా తెలిపారు. తల్లీబిడ్డ ఇద్దరు క్షేమంగా.. ఆరోగ్యంగా ఉన్నట్లు వెల్లడించారు. ఈ మేరకు మెడికల్ బులిటెన్ విడుదల చేశారు.
ఇక రామ్ చరణ్-ఉపాసన దంపతులు బిడ్డకు జన్మనివ్వడంపై మెగాస్టార్ చిరంజీవి స్పందించారు. లిటిల్ మెగా ప్రిన్సెస్ కు స్వాగతం అంటూ ట్విట్ చేశారు. నీ రాకతో మెగా ఫ్యామిలీకి ఉత్సాహం తీసుకొచ్చావని పేర్కొన్నారు. తల్లిదండ్రులుగా రామ్ చరణ్-ఉపాసన, తాతగా తనకు సంతోషంగా, గర్వంగా ఉందని తెలిపారు.
ఉపాసన పండంటి పాపాయికి జన్మనివ్వడంతో ఇటు మెగా కుటుంబంలో.. అటు కామినేని కుటుంబంలో సంతోషం వ్యక్తం అవుతోంది. ఉపాసనతోపాటు రామ్ చరణ్ కూడా సోమవారం సాయంత్రం ఆసుపత్రికి వచ్చాడు. తన కూతురిని చూసి మెగా పవర్ స్టార్ మురిపిపోయాడని సన్నిహితులు చెబుతున్నారు. మంగళవారం కుటుంబ సభ్యులు ఆసుపత్రికి వచ్చి రామ్ చరణ్, ఉపాసన దంపతులకు అభినందనలు తెలపనున్నారు.
