Vasthu Shastra: ఇల్లు కట్టుకోవాలంటే మొదట స్థలం చూడాలి. మంచి ఏరియాలో, నివాసానికి యోగ్యమైన స్థలం చూసుకోవాలి. అయితే, చాలా మంది ఇంటి స్థలం ఎలా ఉండాలో జాగ్రత్త పడుతూ ఉంటారు. ఇల్లు కట్టుకోవడానికి ఎలాగైతే వాస్తు నియమాలు పాటిస్తారో, ఇంటి స్థలానికి కూడా వాస్తును చాలా మంది చూస్తుంటారు. ఈ నేపథ్యంలో ఎలాంటి స్థలం కొనాలి? కొన్న స్థలంలో ఇంటిని నిర్మించుకోవాలంటే ఎలాంటి వాస్తు పద్ధతులు పాటించాలో వాస్తు నిపుణులు వివరిస్తున్నారు.
ఒక ఇంటిని నిర్మించుకోవడంలో చాలా అంశాలు పరిగణనలోకి తీసుకోవాల్సి ఉంటుంది. స్థలం ఎంపిక మొదలుకొని.. ఇంటిని ప్లాన్ ప్రకారం కట్టుకోవడం, బిల్డర్ కు సూచనలు, సలహాలు ఇవ్వడం, వాస్తు ప్రకారం అన్ని గదులు, బెడ్రూమ్, వంట గది, హాలు, ఇలా ఏది ఎక్కడుండాలో వాస్తు శాస్త్రం ప్రకారం నిర్మించుకుంటూ ఉంటారు. కాస్త డబ్బు ఖర్చు ఎక్కువైనా సరే.. కొందరు పట్టింపులకు పోకుండా వాస్తును ఫాలో అవుతుంటారు.
అయితే, ఓ మనిషి ఆరోగ్య పరిస్థితి అతని ముఖంలో కనిపించినట్లుగానే ఓ స్థల వాస్తు వైభవం ఆ స్థలం మట్టిలో కనిపిస్తుందని వాస్తు పండితులు అంటున్నారు. స్థలంలో పెరిగిన చెట్లు, వాతావరణం అక్కడ ప్రత్యక్షమవుతుంది. అన్నింటికంటే ముఖ్యంగా స్థలం అనువుగా ఉందో లేదో కొనుగోలు దారులు నిర్ణయించుకుంటారు. నివాసయోగ్యం, స్థలం బడ్జెట్, ఇల్లు నిర్మించుకోవడానికి బడ్జెట్ తదితరాలన్నీ చూసుకున్నాకే ఆ స్థలం కొనుగోలు చేయడానికి ముందుకెళ్తుంటారు.
Vasthu Shastra: టి స్థలాలు వద్దే వద్దు..
కొనుగోలు చేయాలనుకున్న స్థలం వాస్తు విషయంలో ఆ స్థలం దిశాత్మకంగా ఉండాలని సూచిస్తున్నారు. వంకరగా, త్రిభుజాకారంలో ఉండే స్థలాలు, ఇరుకు సందుల మధ్య ఉండేవి అంత శ్రేయస్కరం కాదని వాస్తు పండితులు చెబుతున్నారు. వీధులు నేరుగా, వరుసగా వెళ్లలేని కూడలి స్థలాలు కూడా మంచివి కావట. అలాంటి స్థలాలు హానికర లక్షణాలను కలిగి ఉంటాయట. మనుషుల్లో చాలా మందిలో వేర్వేరు స్వభావాలుఉన్నట్లే స్థలాల్లోనూ అంతేనని చెబుతున్నారు. ఇంటి స్థలాలను ఎంచుకొనే క్రమంలో పగటి పూట పరిశీలించాలట. కాస్త వాస్తు పరిజ్ఞానం తెలిసిన వారితో సంప్రదించి నిర్ణయం తీసుకోవాలని చెబుతున్నారు.
