Samantha : యువతలో సమంత క్రేజే వేరు. అమ్మడి లైఫ్‌ని ఇప్పటి వరకైతే మూడు కేటగిరీలుగా విభజించవచ్చు. పెళ్లికి ముందు, పెళ్లి అయిన తరువాత, భర్త నుంచి విడిపోయిన తరువాత అని. నిజానికి బ్యూటీ అసలైన జోరు పెళ్లయ్యాకే స్టార్ట్ అయ్యింది. ఎక్స్‌పోజింగ్‌కు సైతం ఓకే చెప్పిన కారణంగా విడాకులయ్యాయనే టాక్ కూడా ఉంది. ఇక విడాకులు అయ్యాక మాత్రం సామ్ జోరు మరింత పెంచేసింది. నటిగా టాలీవుడ్, కోలీవుడ్‌లలో నటిస్తూ బిజీగా ఉన్న ఈ బ్యూటీ ది ఫ్యామిలీ మెన్‌ – 2 హింది వెబ్ సిరీస్‌తో బాలీవుడ్‌ రంగప్రవేశం చేయడంతో పాటు, ప్రపంచ సినీ ప్రేక్షకులను ఆకట్టుకుంది.
అమ్మడు తనదైన శైలిలో విలనిజాన్ని ప్రదర్శంచడంతో పాటు గ్లామరస్‌గానూ నటించి వివాదాస్పద నటిగా ముద్ర వేసుకుంది. అయితే విమర్శలు వచ్చినా, నటిగా అంతకంటే మంచి పేరును ఈ వెబ్ సిరీస్ తెచ్చి పెట్టింది. ఈ వెబ్ సిరీస్ అమ్మడు ఎన్నడూ లేనంతగా గ్లామర్‌ను పంచిందనే టాక్ నడుస్తోంది. దీంతో మరోసారి సంచలనం సృష్టించడానికి సమంత రెడీ అవుతోంది. ది ఫ్యామిలీ మెన్‌ వెబ్ సిరీస్‌ను రూపొందించిన రాజ్, డీకే తాజాగా దర్శకత్వం వహించడానికి సిద్ధం అవుతున్న వెబ్ సిరీస్‌లో సమంత నటించనున్నారన్నది తాజా సమాచారం. రుస్సో బ్రదర్స్‌ దర్శకత్వంలో నటి ప్రియాంక చోప్రా ప్రధాన పాత్రలో నటించిన సిట్టాల్‌ అనే అమెరికా వెబ్ సిరీస్‌ను ఇండియన్‌ భాషల్లో రీమేక్‌ చేయనున్నారు.
Samantha : ఫ్యామిలీ కారణంగానే విడాకులు..!
నటుడు వరుణ్‌ ధావన్‌, సమంత జంటగా ఈ వెబ్ సిరీస్‌లో నటిస్తున్నారు. యాక్షన్‌ సన్నివేశాలకు అధిక ప్రాముఖ్యత ఉండటంతో ఇప్పుడు వారిద్దరూ దీనికి సంబంధించిన శిక్షణ తీసుకుంటున్నట్టు టాక్ నడుస్తోంది. వీరికి అమెరికాకు చెందిన స్టంట్‌ మాస్టర్‌ శిక్షణ ఇస్తున్నట్లు తెలిసింది. దాదాపు మూడు నెలలు శిక్షణ ఉంటుందని సమాచారం. అయితే నిజానికి అమ్మడికి ఫ్యామిలీ మ్యాన్ పెద్దగా కలిసి రాలేదని టాక్. ఈ వెబ్ సిరీస్‌లో అమ్మడు చేసిన ఎక్స్‌పోజింగ్ కారణంగానే అభిప్రాయ బేధాలొచ్చాయని ఆ కారణంగా నాగచైతన్యతో విడాకులు అయ్యాయని ఓ టాక్ ఉంది. ఈ నేపథ్యంలో అలాంటి వెబ్ సిరీస్‌లోనే తిరిగి నటించడం సామ్ జీవితాన్ని మరే మలుపు తిప్పుతుందో చూడాలి.
