PM Modi : దేశానికి ప్రధాని మన నగరానికి వస్తున్నాడు అంటే ఆ ప్రాంత ప్రజలకు పండుగే అనాలి. చాలా మంది ప్రధానిని టీవీల్లో లేదా పేపర్లలో చూస్తుంటారు. అలాంటిది ప్రత్యక్షంగా చూసే అవకాశం వస్తే అభిమానులు ఊరుకుంటారా. తమ అభిమాన నేతను దగ్గరగా చూడాలన్న ఆత్రుతతో భద్రత సిబ్బందిని సైతం పక్కన పెట్టి ఆయన దగ్గరకు పరిగెడుతుంటారు. అలాంటి సంఘటనే కర్ణాటకలో చోటు చేసుకుంది. ప్రధాని నిర్వహించిన రోడ్ షోలో ఓ కుర్రాడు హంగామా చేశాడు. ప్రధాని వాహనం వద్దకు పరిగెత్తి ఆయనకు పూల మాల వేసే ప్రయత్నం చేశాడు. అయితే భద్రతా సిబ్బంది ఆ కుర్రాడిని అడ్డుకున్నాడు.
కర్ణాటకలోని హుబ్బళ్లిలో జాతీయ యువజనోత్సవాలు ఘనంగా జరిగాయి. ఈ వేడుకలు ప్రారంభోత్సవానికి ముందు రోడ్‌షో జరిగింది. ఈ సందర్భంగా ప్రధాని వాహనం వైపు ఓ బాలుడు దూసుకొచ్చాడు వెంటనే అక్కడి భద్రతా సిబ్బంది అప్రమత్తమై అక్కడి నుంచి అతడిని లాగారు. బాలుడు కదులుతున్న వాహనంలో రన్నింగ్‌ బోర్డుపై నిల్చున్న ప్రధానికి ఉత్సాహంగా పూలమాల అందజేసే ప్రయత్నం చేశాడన్నారు పోలీసులు. ప్రధానమంత్రి భద్రతలో ఎలాంటి ఉల్లంఘన జరగలేదు అని కర్ణాటక పోలీసులు ఇంతకు ముందు చెప్పారు వ్యక్తి గురించి మరింత సమాచారం సేకరిస్తున్నారు.
ప్రధానమంత్రి నరేంద్రమోదీ రోడ్‌షో సందర్భంగా ఆయనకు పూలమాల వేసేందుకు ప్రయత్నించిన బాలుడు స్థానికుడా అనే విషయంపై ఆరా తీస్తున్నట్లు కర్ణాటకలోని హుబ్బళ్లి పోలీసులు తెలిపారు. ప్రాథమికంగా ఇది భద్రతా ఉల్లంఘనగా అనిపించడం లేదని హుబ్బళ్లి పోలీస్ కమిషనర్ రామన్ గుప్తా అన్నారు. బాలుడు అత్యుత్సాహంతో దీన్ని చేసి ఉంటాడని, అయితే తగిన చట్టపరమైన చర్యలు తీసుకుంటామని చెప్పారు.
ఒక బాలుడు దండ ఇచ్చేందుకు తన వాహనం వద్దకు రావడంతో ప్రధానమంత్రి భద్రతా కవచంలో ఉల్లంఘన జరిగిందని నివేదికల నేపథ్యంలో అధికారి ప్రతిస్పందనగా ఇది తీవ్రమైన లోపం కాదని, బాలుడు ఎక్కడి నుంచి వచ్చాడో ఆ ఎన్‌క్లోజర్‌లో ఉన్న వ్యక్తులందరినీ SPG సరిగ్గా పరీక్షించిందని, ఆ ప్రాంతమంతా భద్రతా సంస్థలచే సరిగ్గా శుభ్రపరచబడిందని సోర్సెస్ తెలిపాయి.
స్వామి వివేకానంద జయంతి సందర్భంగా జాతీయ యువజనోత్సవాలను ప్రారంభించేందుకు హుబ్బలికి వచ్చిన ప్రధాని మోడీ రోడ్‌షో నిర్వహించారు.నగరానికి వచ్చిన ప్రధానికి ఘనస్వాగతం లభించింది. రోడ్‌షో సందర్భంగా ప్రజలు రోడ్లపైకి వచ్చి ఆయన అశ్వదళంపై పూలవర్షం కురిపించారు.26వ జాతీయ యూత్ ఫెస్టివల్‌ను కర్ణాటక ప్రభుత్వం జనవరి 12 నుంచి 16 వరకు నిర్వహిస్తోంది. కేంద్ర యువజన వ్యవహారాలు , క్రీడల మంత్రిత్వ శాఖ కర్ణాటకలోని హుబ్బల్లి-ధార్వాడ్‌లో నిర్వహిస్తోంది.
