Bandla Ganesh : నటుడు, నిర్మాత బండ్ల గణేష్.. పవర్ స్టార్ పవన్ కల్యాణ్కు అభిమానో లేదంటే భక్తుడో అర్ధం కాదు కానీ ఎక్కడ చిన్న అవకాశం దొరికినా.. ఆయనను ఆకాశానికి ఎత్తేస్తుంటాడు. అటు సోషల్ మీడియాలో.. ఇంటర్వ్యూలలోనూ పవన్ భజన చేయకుండా మాత్రం బండ్ల ఉండలేరు. ఇక పవన్ను ఎవరైనా విమర్శిస్తే.. అవతలి వాళ్ల పరువు తీసే వరకూ నిద్రపోడు. వామ్మో ఆయన అభిమానం పీక్స్. పవన్ను దేవర అని పిలుచుకుంటూ హంగామా చేస్తుంటారు. అంతేనా.. ట్విటర్లోనూ పవన్ భజనే. దీంతో నెటిజన్లకు చిర్రెత్తుకొచ్చినట్టుంది. ఈ మూఢ భక్తిని పవన్ ఫ్యాన్స్ సైతం భరించలేకపోతున్నట్టున్నారు. తాజాగా బండ్ల గణేష్ చేసిన ఓ ట్వీట్పై నెటిజన్లు రివర్స్ కౌంటర్ ఇస్తున్నారు.
ఓ సినీ వేడుకలో అడివి శేష్, టీజే టిల్లు ఫేమ్ సిద్దు జొన్నలగడ్డ కాలు మీద కాలు వేసుకుని కూర్చుకున్నారు. ఈ ఫొటోకు.. పవన్ కళ్యాణ్ చేతులు కట్టుకుని కూర్చొని ఉన్న ఫొటోలు జత చేసి.. ‘నమస్కారానికి నిలువెత్తు నిదర్శనం మా దేవర దయచేసి నేర్చుకోండి.. ఆచరించండి.. అది మన ధర్మం..’ అంటూ రాసుకొచ్చాడు. ఈ ట్వీట్ను చూసిన నెటిజన్లకు బాగా మండినట్టుంది. ఇక ఉపేక్షించి లాభం లేదనుకున్నారో ఏమో కానీ.. ‘బండ్లన్నా.. అది నమస్కారామా..? సంస్కారమా..?’ అని అడుగుతున్నారు. గతంలో పవన్ కళ్యాణ్ కాలు మీద కాలు వేసుకుని కూర్చొని పిక్స్ను షేర్ చేస్తూ.. మరి దీన్ని ఏమంటారు బండ్లన్నా..? అంటూ ప్రశ్నిస్తున్నారు.
Bandla Ganesh : అందులో మా అన్నయ్యని లాగొద్దు..
ఎవరైనా సరే.. వారి వారి కంఫర్ట్కు తగినట్టుగా వారు కూర్చొంటారు. కంఫర్ట్కు తగినట్టుగా పొజిషన్స్ మారుతూ ఉంటాయి. దానికి ఒకరితో మరొకరిని పోల్చడం దారుణం. నెటిజన్లకు కూడా ఇదే అనిపించిందేమో.. ‘మీరు పవన్ కళ్యాణ్ అన్నను వాడుకుని ఏం చేయాలని అనుకుంటున్నారు బండ్లన్నా..? వాళ్లతో ఎందుకు పొల్చుతున్నావు..? ఎవరికి నచ్చినట్లు వాళ్లు ఉంటారు. ప్లీజ్ ఈ పోస్ట్ డిలీట్ చేయండి..’ అంటూ పవన్ ఫ్యాన్స్ కోరుతున్నారు. మరొకరు ‘నీకు దండం రా బాబు మా అన్నయ్యని వదిలేయరా.. నీకు కావాలంటే వ్యక్తిగతంగా వేసుకో.. అందులో మా అన్నయ్యని లాగొద్దు. ఇప్పటికే చాలామంది ఏడుస్తున్నారు మా అన్నయ్య మీద..’ అంటూ మరో పవన్ అభిమాని కామెంట్ చేశాడు.