Anant Ambani : రిలయన్స్ ఇండస్ట్రీస్ లిమిటెడ్ ఛైర్మన్ ముఖేష్ అంబానీ చిన్న కుమారుడు అనంత్ అంబానీ కి పారిశ్రామికవేత్త వీరేన్ మర్చంట్ కుమార్తె రాధికా మర్చంట్‌తో నిశ్చితార్థం జరిగింది. కుటుంబ సభ్యులు స్నేహితుల సమక్షంలో జైపూర్‌కు 350 కిమీ దూరంలో ఉన్న రాజస్థాన్‌లోని నాథ్‌ద్వారాలోని శ్రీనాథ్‌జీ ఆలయంలో ఈ వేడుక జరిగింది.
ఆర్‌ఐఎల్ కార్పొరేట్ వ్యవహారాల హెడ్ పరిమల్ నత్వానీ తన ఇన్ స్టాగ్రామ్ లో నాధ్‌ద్వారాలోని శ్రీనాథ్‌జీ ఆలయంలో రోకా వేడుకను జరుపుకున్న ప్రియమైన అనంత్ , రాధికలకు హృదయపూర్వక అభినందనలు తెలిపారు .భగవాన్ శ్రీనాథ్ జీ ఆశీస్సులు మీకు ఎల్లప్పుడూ ఉండాలని కోరుకుంటున్నాను అని పోస్ట్ లో పేర్కొన్నారు.
వార్తా సంస్థ PTI కుటుంబం విడుదల చేసిన ఒక ప్రకటన ఆధారంగా అనంత్ మరియు రాధిక లు ఒకరికొకరు కొన్ని సంవత్సరాలుగా తెలుసు ఈ రోజు వేడుక రాబోయే నెలల్లో వారి వివాహం యొక్క అధికారిక ప్రయాణాన్ని ప్రారంభిస్తుంది అని తెలిపింది. రాధిక మర్చంట్ బెస్ట్ ఫ్రెండ్, ఓర్హాన్ అవతారామణి అనంత్ , రాధిక ల చిత్రాన్ని సోషాల్ మీడియాలో పంచుకున్నారు. తని ఇన్‌స్టాగ్రామ్ పోస్ట్ లో వారిని అభినందించారు. వీరిద్దరూ నిశ్చితార్థం చేసుకున్నారనే వార్తలను ధృవీకరించడానికి అతను రింగ్ ఎమోజీని కూడా ఉంచాడు.
ముకేశ్ అంబానీ చిన్న కొడుకు అనంత్ అంబానీల ఇంట జరిగే కార్యక్రమాలతో సహా అనేక సందర్భాల్లో రాధికతో కనిపించాడు. రాధిక చివరిసారిగా పృథ్వీ ఆకాష్ అంబానీ, ఆకాష్ శ్లోకాల కుమారుడు గ్రాండ్ మొదటి పుట్టినరోజు వేడుకలో కనిపించారు.
రాధిక మర్చంట్ ఎవరు అని చాలా మందిలో డౌట్ ఉంటుంది. ఆమె గురించి కొన్ని వాస్తవాలు తెలుసుకుందాం. రాధిక మర్చంట్, 24 ఏళ్ల వీరేన్ మర్చంట్, ఎంకోర్ హెల్త్‌కేర్ CEO , శైలా మర్చంట్ కుమార్తె. ఆమెకు అంజలి మర్చంట్ అనే చెల్లెలు కూడా ఉంది. ముంబైలోని కేథడ్రల్ జాన్ కానన్ స్కూల్ , ఎకోల్ మొండియాల్ వరల్డ్ స్కూల్‌లో పాఠశాల విద్యను అభ్యసించిన రాధిక న్యూయార్క్ విశ్వవిద్యాలయంలో రాజకీయాలు , ఆర్థిక శాస్త్రాలను అభ్యసించారు. గ్రాడ్యుయేషన్ తర్వాత, రాధిక భారతదేశానికి తిరిగి వచ్చి రియల్ ఎస్టేట్ సంస్థలో సేల్స్ ప్రొఫెషనల్‌గా పని చేయడం ప్రారంభించింది.
రాధిక శిక్షణ పొందిన క్లాసికల్ డ్యాన్సర్ కూడా. గురు భావనా థాకర్ మార్గదర్శకత్వంలో దాదాపు 8 సంవత్సరాలు శ్రీ నిభా ఆర్ట్స్‌లో ఆమె భరతనాట్యం నేర్చుకున్నారు. వాస్తవానికి, రాధిక అరంగేట్రం అంటే స్టేజ్ వేడుకకు అధికారిక ఆరోహణను ఆమె అత్తమామలు నిర్వహించారు. అంబానీ వంశంలో నీతా అంబానీ తర్వాత భరతనాట్యం తెలిసిన రెండో వ్యక్తి ఆమె.
