Love sign: కొందరు అబ్బాయిలు ఎవరినైనా ప్రేమిస్తే కాస్త హానెస్ట్‌గానే ఉంటుంటారు. తమ ప్రేయసిని ఇంట్లో కుటుంబ సభ్యులకు పరిచయం చేస్తుంటారు చాలా మంది. ఇష్టమైన ప్రదేశాలకు తీసుకు వెళ్లడం లాంటివి చేస్తుంటారు. ఇలా చేయడం వల్ల మగువ మనసులో మగవారు స్థానం సుస్థిరం చేసుకుంటూ ఉంటారు. ముఖ్యంగా అబ్బాయిలు ప్రేమించడం మొదలు పెడితే వారిలో కొన్ని లక్షణాలు కనిపిస్తాయని నిపుణులు చెబుతున్నారు.
అబ్బాయి ఓ అమ్మాయిని ఇష్టపడటం ప్రారంభిస్తే.. అమ్మాయి ఏది చెప్పినా కాస్త శ్రద్ధగా వింటుంటాడని చెబుతున్నారు. తాను ఇష్టపడుతున్న అమ్మాయిని ఎంతో ప్రేమగా చూసుకుంటాడట. అలాగే అమ్మాయి ఇష్టాయిష్టాలను గౌరవిస్తాడని చెబుతున్నారు. అభిప్రాయాలను కూలంకషంగా విని తెలుసుకుంటారు. మరోవైపు ప్రేమించిన అమ్మాయిపై ఎవరైనా జోకులు వేస్తే అస్సలు సహించరట.
అమ్మాయిని ప్రేమించడం స్టార్ట్‌ చేసిన అబ్బాయికి కాస్త లోకం కొత్తగా కనిపిస్తుంది. అమ్మాయిని చాలా మృదువుగా చూసుకోవాలని ప్రయత్నిస్తుంటారు. ప్రేమను తన చేష్టల ద్వారా వ్యక్తపరచడానికి ప్రయత్నిస్తుంటారు. ముఖ్యంగా కళ్ల ద్వారా ప్రేమను చూపిస్తూ ఉంటారు. అలాగే, ఇష్టపడిన అమ్మాయి కోసం ప్రాధాన్యతలు మార్చుకుంటూ ఉంటారట అబ్బాయిలు.
ఏం చేయడానికైనా వెనుకాడరు..
ఇష్టపడే అమ్మాయి కోసం ఏం చేయడానికైనా వెనుకాడరట. వారి ప్రవర్తనలో పూర్తి స్థాయిలో మార్పు వస్తుందని చెబుతున్నారు. అమ్మాయితో ఎక్కువ సమయం మాట్లాడాలని, కలిసి తిరగాలని కోరుకుంటారు. ప్రతి క్షణం వారు తమ కోసం ఏమి చేయగలరో ఆలోచిస్తారు. కుర్రాళ్లు ప్రేమించడం మొదలుపెట్టినప్పుడు, వారు కారణం లేకుండా అమ్మాయికి బహుమతులు ఇస్తారి అనేక అధ్యయనాల్లో సైతం తేలింది. స్నాక్స్‌, ఫుడ్‌ ఐటమ్స్‌, బట్టలు మొదలైన ప్రతి విషయంలోనూ వారే శ్రద్ధ వహిస్తారట. అమ్మాయి జీవితంలో ఏం జరుగుతోందో అను నిత్యం తెలుసుకోవాలని ప్రయత్నిస్తుంటారు.
