Vastu Tips: నేటి సమాజంలో డబ్బు ప్రతి ఒక్కరికీ ముఖ్యమే. డబ్బుంటేనే చాలా పనులు జరుగుతాయి. సమాజంలో గౌరవం లభిస్తుంది. సౌకర్యవంతమైన జీవితం గడపగలుగుతారు. పేదలైనా, మధ్య తరగతి వారైనా, కుబేరులైనా తెల్లారి లేస్తే డబ్బు వేటలోనే బతుకుతుంటారు. జీవితాలను శాసించేది డబ్బే కాబట్టి అందరూ డబ్బు సంపాదన మార్గాలను అన్వేషిస్తూ ఉంటారు. ఈ క్రమంలో కలిసి వచ్చే అంశాలపై కూడా ఫోకస్ పెడుతుంటారు. మరి వాస్తు శాస్త్రం ప్రకారం బాగా డబ్బు సంపాదించాలంటే ఏం చేయాలో ఓ లుక్కేయండి..
ఎంత సంపాదించినా నిలవడం లేదా?
డబ్బు లేకపోతే చాలా అవసరాలు తీరవు. డబ్బుతోనే అన్నీ కొనలేకపోవచ్చు కానీ.. చాలా కొనేయచ్చు. కానీ కొందరు చాలా సంపాదిస్తూ ఉంటారు. కానీ ఏమీ మిగలడం లేదని వాపోతుంటారు. మరికొందరికి సంపాదిద్దామన్నా అవకాశాలు లభించవు. ఒక్కసారి ధనయోగం మొదలైతే చాలు.. ఇక తిరిగి చూసుకోవాల్సిన పని ఉండదు చాలా మందికి. సకల బాధలూ తీరిపోయి ఐశ్వర్యవంతులవుతారు. సిరిసంపదలు వెంట వెంటనే వచ్చేస్తుంటాయి.
వీలైంత త్వరగా ఎక్కువ డబ్బు సంపాదించాలంటే వాస్తు శాస్త్రంలో కొన్ని టిప్స్ ఉన్నాయి. మీ సుడి తిరిగిపోవాలంటే ఇవి పాటించాలని చెబుతున్నారు నిపుణులు. మీరు నిద్రపోయే స్థలం.. ప్రవేశానికి దూరంగా గోడకు చివర్లో ఉన్నట్లయితే అక్కడ ఏదైనా లోహపు వస్తువును ఉంచండి. వాస్తు శాస్త్రం ప్రకారం ఈ స్థలాన్ని సంపద కేంద్రంగా చెబుతారు. ఇలాంటి స్థలంలో గోడకు పగుళ్లు వస్తే వెంటనే మరమ్మతు చేయించుకోవాలట.
Vastu Tips:
లాకర్లలో పాజిటివ్ ఎనర్జీ కోసం లక్ష్మీదేవి ఫొటో పెట్టుకోవాలి. ఇలా చేస్తే మీ వద్ద డబ్బుకు ఎప్పుడూ లోటు రాదని చెబుతున్నారు. అలాగే ఇంట్లో విరిగిన వస్తువులు, చెత్తను ఉంచుకోరాదు. అలా చేస్తే ప్రతికూలత ఏర్పడుతుంది. ఇంట్లో కొళాయి ఉన్నట్లయితే.. అది లీకేజీ కాకుండా చూసుకోవాలి. వాస్తు ప్రకారం లీకేజీ అయ్యే ట్యాప్ ఉంటే మీ డబ్బు కూడా అలాగే వెళ్లిపోతుందట.
